Bislimi takon Lajçakun në Bruksel, në fokus dialogu Kosovë-Serbi

Kryenegociatori i Kosovës në bisedimet me Serbinë, Besnik Bislimi, ndodhet në Bruksel, për të takuar të dërguarin e posaçëm të Bashkimit Evropian për dialogun Kosovë-Serbi, Mirosllav Lajçak.

Radio Europa e Lirë raporton se qëllim i këtij takimi është të shihen mënyrat se si të vazhdohet dialogu për normalizimin e marrëdhënieve midis Kosovës dhe Serbisë, si dhe propozimet për tejkalimin e krizës aktuale.

Tensionet midis Kosovës dhe Serbisë janë rritur prej se Qeveria e Kosovës ka nisur më 1 nëntor të zbatojë planin e saj për riregjistrimin e makinave me targa të paligjshme serbe.

Janë rreth 9.000 makina me targa të tilla që qarkullojnë në veri të Kosovës, ku popullata shumicë është serbe dhe në masë të madhe kontrollohet nga Beogradi zyrtar.

Qeveria e Kosovës do që këto makina të riregjistrohen me targa të Republikës së Kosovës, RKS, por Serbia kundërshton, duke këmbëngur në targa neutrale ndaj statusit të Kosovës.

Si pasojë e rritjes së tensioneve, serbët e veriut kanë dhënë dorëheqje nga institucionet e Kosovës.

Në 4 komuna në Kosovë pritet të zhvillohen zgjedhje të parakohshme.

LEXONI GJITHASHTU:

• Çmimet e karburanteve, Rama: Mos hidhni helm, ndiqni mbledhjet e bordit
• “Një non grata dhe një spiun që mbledh militantët”, Rama komenton protestën
• Akuzat për Portin e Durrësit, Rama: Tërbim i non grata-ve, investim me vlerë