Blendi Fevziu flet për herë të parë për grushtin e Berishës: Ishte e përgatitur

Gazetari Blendi Fevziu komentoi për herë të parë në një intervistë për Euronews Albania, sulmin ndaj kreut të Partisë Demokratike, Sali Berishës në protestën e 6 dhjetorit.

Sipas tij do të ketë një acarim të politikës shqiptare, duke iu referuar këtu edhe fjalimit të kryedemokratit sot më 8 dhjetor i cili ishte me tone më të ashpra.

“Unë nuk kam asnjë informacion, por kam një bindje se nuk është një gjë e paorganizuar në kuptimin që Sali Berisha është aty, ka 32 vjet që është vërdallë. Një person që ka një mllef mund ta godiste duke hyrë në PD, duke dalë nga PD-ja, në një nga foltoret e tij. Gjetja e ditës, pikërisht kur ishte samiti, një prej eventeve më të rëndësishme të këtyre 32 viteve në Shqipëri, gjetja e momentit kur ai po i drejtohej mbështetësve të tij që ishin numër i mjaftueshëm për të krijuar një problem, pra e gjithë përzgjedhja ose detajet të çojnë në bindjen që mund të jetë diçka e organizuar,” – u shpreh Fevziu.

Kreu i Partisë Demokratike, Sali Berisha u godit sot me grusht në fytyrë nga Gert Shehu, një 31- vjeçar i cili sipas mjekut që është marrë me kurimin e tij vuan nga probleme të shëndetit mendor.

Berisha deklaroi pas sulmit se Gert Shehu është agjent i infiltruar i policisë ndërsa nëna e 31-vjeçarit në një intervistë ekskluzive për Euronews Albania mohoi kategorikisht deklaratat e kreut të PD teksa theksoi se djali i saj kurohet prej 5 vjetësh për çrregullim bipolar. Kjo gjë u konfirmua për Euroneës Albania edhe nga mjeku i tij Sadik Lala.

LEXONI GJITHASHTU:

• Berisha: Lëvizja e dhjetorit, më e rëndësishmja pas shpalljes së Pavarësisë