Bllokimi i porteve ukrainase, vështirësi për të eksportuar drithëra

Bllokada detare ruse në portet ukrainase të Detit të Zi ka çuar në kaos logjistik në Ukrainën perëndimore: rreth 2 dy mijë shoferë kamionësh  janë bllokuar rreth Renit, një port i vogël në brigjet e lumit të Danubit, lum kufitar që prek Ukrainën dhe Rumaninë.

 “Mendoj se para së gjithash fajtor është shteti agresor Rusia: Po të mos ishte ajo nuk do të kishim probleme , mund të kishim shkarkuar ,  gjithçka do të ishte në rregull dhe të gjithë do të kishin furnizime të mjaftueshme,” – tha Bohdan Buria, një shofer kamioni ukrainas nga Jytomyr.

Reni është një nga portet e pakta të mbetura në duart e ukrainasve  që ende funksionon: por për shkak të pajisjeve të vjetruara dhe sasisë së madhe  të drithërave që vijnë për t’u transportuar me maune, ai e ka të vështirë t’i përballojë flukset.

Porti ruman i Konstancës mund të jetë pjesë e zgjidhjes; me mbështetjen e BE-së, Rumania, Ukraina dhe gjithashtu Moldavia po përmirësojnë rrugët alternative të eksportit për Ukrainën , 20 milionë ton rezerva të drithërave të viteve të fundit janë gati ndërsa më shumë po vijnë nga korrja e këtij viti.

 “Çdo ditë fillon me një sfidë. Ne vazhdojmë të zhbllokojmë situatën me drithërat ukrainase; çdo ditë shkarkojmë mijëra tonë; nuk është një situatë e lehtë, është punë e vështirë,” – tha Mihai Sofian, një operator vinçi në Konstancë.

Në Galati kanë përfunduar punimet, por në Konstancë do të zgjasë deri në fund të vitit

 Lufta e Putinit kundër Ukrainës po bllokon eksportin e drithërave. Këtu në Detin e Zi, anijet janë në radhë. Rumania po ndihmon për të nxjerrë nga Ukraina  drithëra për botën, por a ka mbetur kohë e mjaftueshme për dërgimin e drithërave përpara se të fillojë uria në mbarë botën?

LEXONI GJITHASHTU:

• Rusët dhe ukrainasit dakord me ndërmjetësimin e turqve për eksportin e grurit