Bllokohet sërish aksi Thumanë-Kashar, banorët përplasen me policinë

Ditën e sotme ka vijuar sërish protesta e banorëve t aksit rrugor Thumanë-Kashar, një investim i qeverisë që u hap vetëm disa javë më parë.

Qytetarë të shumtë, ku dominojnë më tepër banorët e zonës kanë bllokuar të dyja kahet e rrugës për disa minuta.

Mes zhvillimeve të protestës ata kanë pasur edhe përplasje me policinë.

Nga ky konfrontim, një prej protestuesve është parë i gjakosur.

Sipas tyre, qëllimi i organizimit të kësaj proteste është që qytetarët të mund të kenë akses përmes hyrje-daljeve të autostradës.

Kjo sepse sipas tyre bëjnë dhjetëra kilometra të panevojshme për të hyrë në fshatrat e tyre, duke mos mundësuar kështu aksesin e drejtpërdrejtë të rrugës.