Bomba molotov drejt Bashkisë Tiranë, marrin flakë dyert dhe dritarja e godinës

Është tensionuar situata para bashkisë Tiranë ku protestues të opozitës kanë hedhur bomba molotov.

Ka qenë një thirrje e folësit të protestës para Kryeministrisë që u ka bërë thirrje protestuesve që t’i drejtohen bashkisë së Tiranës ku janë pozicionuar forcat RENEA.

Efektivët janë vendosur në gatishmëri të lartë. Ka thirrje kundër kreut të bashkisë Erion Veliaj dhe ovacione ndaj kreut të PD.

Më herët protestuesit e opozitës sulmuan me bomba molotov Kryeministrinë.

Sulmi me molotov ndaj godinës së qeverisë ndodhi intensivisht gjatë 5 minutave të para kur Berisha mori fjalën në protestë përmes një video-lidhjeje me “Zoom”.

Protesta u thirr nga opozita me moton kundër korrupsionit, keqqeverisjes dhe situatës ekonomike. Kreu i Partisë Demokratike, Sali Berisha, në fjalën e tij akuzoi qeverinë si fajtoren e braktisjes së vendit nga ana e shqiptarëve.

LEXONI GJITHASHTU:

• VIDEO| Ish-deputeti i bashkohet protestës së opozitës me freskuesen e veçantë
• Berisha flet mes molotovit: 1 mln shqiptarë të larguar në 11 vjet, plaga më e madhe