“Boris Johnon gënjeu”, reagon Kremlini: Nuk u kërcënua me raketa

“Ajo çfarë tha zoti Johnson është një gënjeshtër. Ose ishte një gënjeshtër e qëllimshme, por për çfarë qëllimi? Ose ishte një gënjeshtër e paqëllimshme, për aq kohë sa ai nuk e kuptoi se çfarë tha presidenti Putin”, është ky reagimi nga Kremlini zyrtar pas deklaratës së ish kryeministrit britanik Boris Johnson se u kërcënua nga Vladimir Putin se për një minutë mund të dërgonte një raketë.

Zëdhënësi i Kremlinit, Dmitry Peskov, theksoi se nuk ka pasur “asnjë kërcënim me raketa”.

Në episodin e parë të dokumentarit të BBC Boris Johnson rrëfen bisedën e tij “shumë të gjatë” dhe “të jashtëzakonshme” me presidentin rus para pushtimit të Ukrainës.

“Ai më kërcënoi në një moment dhe më tha: “Boris, nuk dua të të lëndoj, por, me një raketë, do të duhej vetëm një minutë. Por unë mendoj se nga toni shumë i qetë me të cilin fliste, ai thjesht po luante së bashku me përpjekjet e mia për ta detyruar atë të negocionte”, është shprehur në dokumentar ish- kryeministri britanik.

Ai thekson se u përpoq të pengonte veprimet ushtarake ruse, duke i thënë Putin se Ukraina nuk do të bashkohej me NATO-n të paktën në të ardhmen e afërt.

LEXONI GJITHASHTU:

• “Mjafton 1 minutë”, Boris Johnson: Putin më kërcënoi me sulm raketor
• Ofensivë e re në Ukrainë, mediat: Putin po bën gati trupat për periudhën shkurt-mars