Botërori 2030, Dechamps kritika organizatorëve: S’jemi gati për këtë format

Kampionati botëror i vitit 2030 do të vijë me disa ndryshime sa i përket formatit, konkretisht në shtrirjen gjeografike të tij, ku do të luhet në 6 shtete. Një vendim i tillë ka ngjallur reagim nga aktorët kryesorë të futbollit, me këta të fundit të cilët kanë kritikuar organizatorët.

Trajneri i Francës, Didier Dechamps ka pohuar se skuadrat amerikano jugore favorizohen nga FIFA.

“Nuk e di se cilat skuadra do të përfshihen në këto tri ndeshje, por kjo do të thotë se 3 ekipet e Amerikës së Jugut do të luajnë një ndeshje në shtëpi, që tashmë është një avantazh. Të tjerët do të duhet të lëvizin… Nuk e di se kush i merr vendimet, por nuk e fsheh që më pëlqejnë gjërat që janë shumë më koherente në nivel sportiv dhe fizik. Nga ana etike, mendoj se nuk jemi ende atje”, tha Dechamps.

Pak ditë më parë FIFA publikoi mënyrën e organizimit të botërorit të 2030-ës, i cili vjen si një risi, por natyrisht pritet të ndikojë dhe edicionet pasardhëse. Ai do të luhet në 6 shtete, konkretisht Argjentinë, Paraguai, Uruguai, Portugali, Spanjë dhe Marok, pra në 3 kontinente.

LEXONI GJITHASHTU:

• Shqipëria mbështet Riadin për Botërorin 2030, Rama: Do na mahnisë!
• FIFA sjell risinë për Kupën e Botës, Botërori 2030 në 3 kontinente