Braktisi kombëtaren shqipatre, Zvicra vlerësim për Bajramin: Lojtar interesant

Kombëtarja zvicerane ka përshëndetur vendimin e mbrojtësit Adrian Bajrami për të braktisur Shqipërinë, duke deklaruar se kanë qenë në kontakte të vazhdueshme me lojtarin.

Adrian Bajrami vendosi të braktisë kombëtaren shqiptare, madje në grumbullimin për dy sfidat e radhës të muajit shtator, ndërsa e ardhmja e tij është te Zvicra. Nuk vonoi shumë dhe këta të fundit i dolën në mbrojtje lojtarit, ku fillimisht ishte drejtori Pierluigi Tami e më pas trajneri Murat Yakin, që për median “20 minuta” komentuan këtë ngjarje.

“Ai është një lojtar interesant, zhvillimin e të cilit po e monitorojmë nga afër”, deklaroi tekniku 50-vjeçar nga Bazeli. Më tej, deklarata e drejtorit të kombëtares ka qenë dhe një lloj thumbimi ndaj FSHF-së, ku ka pohuar se ka qenë në komunikim të vazhdueshëm me Bajramin edhe pse ky i fundit ishte pjesë e Shqipërisë.

“Kemi qenë në kontakt me Adrianin dhe jemi të kënaqur me vendimin e tij për të luajtur për Zvicrën”, pohoi Pierluigi Tami. Më tej, konfirmoi se më shumë se 70 përqind e lojtarëve të Zvicrës kanë shtetësi të dyfishtë, por jo të gjithë mund të luajnë për ekipin e të rriturve.

Adrian Bajrami nuk është në listën e Zvicrës për ndeshjet kualifikuese drejt Kupës së Botës, por në rast të dëmtimit të ndonjërit prej tyre, nuk përjashtohet thirrja e tij.

LEXONI GJITHASHTU:

• Një tjetër ndryshim në listën e Shqipërisë, largohet portieri i kuqezinjve
• Ndryshon lista e kombëtares: Mbrojtësi shqiptar braktis kuqezinjtë, zgjedh Zvicrën