Kampi i reugjatëve në Shëngjin, ku sipas autoriteteve italiane kanë përfunduar punimet, do të mirëpresë emigrantët e parë në ditët në vijim, pa u përcaktuar saktësisht data e mbërritjes së tyre.

Sa i përket ambienteve në qendrën pritëse, gazetarja e Euronews Albania, Sara Demushi tha se pritet të akomodojë rreth 3 mijë emigrantë, të cilët do të qëndrojnë në atë qendër rreth 48 orë.

Pas kësaj këta emigrantë do të zhvendosen në Gjadër, ku aty do të vijojnë me akomodimin e plotë.

Gjatë 48 orëve që këta emigrantë do të qëndrojnë në kampin e Shëngjinit, ata do të kenë mudësinë të kryejnë disa vizita apo shërbime  shëndetësore paraprakisht.

Gazetarja sqaroi se ende nuk është vendosur një datë fikse për mbërritjen e tyre, por autoritetet italiane kanë pohuar jashtë kamerave se çdo gjë nga ana infrastrukturore është gati.

Ajo çka e ka shtyrë këtë marrëveshje për finalizim është zvarritja e afateve, ku fillimisht është thënë se emigrantët do të mbërrin në nisje të muajit maj, më pas në muajin gusht dhe vijoi me fillimin e muajit tetor.

Shkak për shtyrjen e këtyre afateve mësohet të ketë qenë vonesa në përfundimin e ndërtimit të godinave në këtë kamp.

LEXONI GJITHASHTU:

• ‘La Stampa’: Qendrat e emigrantëve në Shëngjin e Gjadër, thuajse gati. Por s’ka
• Agnesa e Zotit, premierë në skenën e teatrit Skampa në Elbasan