British Petroleum shet aksionet në kompaninë ruse të naftës

British Petroleum do të shesë aksionet e saj në gjigandin rus të naftës Rosneft, njoftoi kompania të dielen.

Kompania zotëron gati 20% të aksioneve në Rosneft, por situata me Ukrainën e ka vënë nën presion.

BBC shkruan se të premten, sekretari i biznesit në Mbretërinë e Bashkuar Kwasi Kwarteng i ka shprehur shqetësimin shefit të BP, Bernard Looney, për pjesëmarrjen e këtij të fundit në kompaninë ruse të naftës.

“Sulmi i Rusisë ndaj Ukrainës është një akt agresioni që ka pasoja tragjike në të gjithë rajonin”, tha në një deklaratë kreu i BP, Helge Lund.

“BP ka operuar në Rusi për më shumë se 30 vjet, duke punuar me kolegë të shkëlqyer rusë. Megjithatë, ky veprim ushtarak përbën një ndryshim thelbësor”, tha ai.

“Kjo ka bërë që bordi i BP të konkludojë se përfshirja jonë me Rosneft, një ndërmarrje shtetërore, nuk mund të vazhdojë më”, shtoi Lund.