Brugge refuzon përfundimisht ofertën e Milan, kërkon 40 milionë euro për Jasharin

Prej afro 1 muaji Milani vijon tratativat me Club Brugge për mesfushorin shqiptar Ardon Jashari, madje duke arritur akordin personal me futbollistin, por më kot, pasi drejtuesit e klubit belg nuk bien dakord për ta lënë të lirë.

Milani duhet të kënaqet me pjesën që vetë futbollisti dëshironte me patjetër të bëhej pjesë, por në anën tjetër ka ardhur përgjigja përfundimtare nga gjigantët e Belgjikës, të cilët kanë refuzuar interesin kuqezi.

Sipas asaj që raportohet në mediat belge, nuk do të ketë akord mes palëve pa u paguar shuma e plotë prej 40 milionë eurosh, me kuqezinjtë që shkonin afro 38 milionë. Një tjetër fakt që ka bezdisur drejtuesit e Brugge janë deklaratat e bëra nga Igli Tare ku pohonte se Milani nuk do të paguajë asnjë qindarkë më tepër nga oferta prej 38 milionë. Menjëherë pas fjalëve të Tares, Brugge vendosi ti mbyllë derën këtij transferimi, pa gjetur një gjuhë të përbashkët.

Kjo nuk është diçka e re për Milanin, pasi të njëjtën gjë bëri dhe Leverkusen në çështjen Xhaka, me mesfushorin që mbetet në Bundesligë. Ideja e 7 herë fituesve të Champions për të krijuar një skuadër me pak para duke se nuk po funksionon, megjithëse është ende herët për të folur.

LEXONI GJITHASHTU:

• Dështon transferimi i Jasharit te Milanit, drejtuesit belg ndërpresin bisedimet
• Rritet konkurrenca për Milanin, edhe Dortmund futet në garë për mesfushorin shqiptar