Buçinca nga ORCA: Kosova, me arsimin më të dobët në botë

Publikimi i fundit rezultateve të testit “PISA 2022” nga OECD tregon në përgjithësi një rënie të theksuar të performancës së nxënies në të gjithë vendet e OECD, krahasuar me vitin 2018.

Shqipëria dhe Kosova renditen në fund të tabelës, duke u renditur më keq nga vendet e rajonit, por edhe nga vendet e tjera. Kosova renditet edhe më keq se Shqipëria.

Gramoz Buçinca, nga Organizata për Rritjen e Cilësisë në Arsim tha në emisionin GoodMorning Albanians në Euronews Albania se Kosova në këtë renditje rezulton si vendi me arsimin më të dobët në botë.

“Ne në Kosovë kemi marrë një dush të ftohtë duke filluar nga politika dhe shoqëria civile, që Kosova është vendi më i dobët në botë. Në disa indikatorë Kosova e ngjashme me Shqipërinë, si për shembull në lexim. Në Kosovë, 83 për qind dhe në Shqipëri 74 për qind e nxënësve nuk dinë të nxjerrin idenë kryesore nga një tekst mesatarisht të gjatë që është një nga indikatorët kryesorë”, tha ai.

LEXONI GJITHASHTU:

• ‘Nxirja’ e arsimit nga ‘Pisa 2022’, Gjini: Do të ndërtojmë një plan-veprimi
• PISA 2022 “nxin” arsimin në Shqipëri, njohuritë e 15-vjeçarëve janë përkeqësuar