“Bullgarë e serbë për festa në Shqipëri”- Vathi: Cilat janë qytetet që zgjedhin

Kryetari i Shoqatës së Tur-operatorëve, Besnik Vathi tha në një intervistë për Euronews Albania se për festat e fundvitit Shqipërinë e zgjedhin kryesisht turustët bullgarë e serbë, por edhe shumë shqiptarë nga trojet.

Ai tregoi se turistët bullgarë vijnë zakonisht të organizuar dhe zgjedhin hotelet e qytetit të Durrësit për të kaluar festat e fundvitit.

“Të huaj që vijnë në Shqipëri për festat e fundvitit kemi të organizuar kryesisht nga Bullgaria dhe në kohë normale edhe nga Serbia dhe vendet shqipfolëse. Pjesa më e madhe e atyre që vijnë në festat e fundvitit janë shqiptarë që jetojnë jashtë dhe zgjedhin të kalojnë Vitin e Ri në Shqipëri. Të huaj, me përjashtim të bullgarëve, që të organizuar zgjedhin të festojnë festat e fundvitit në hotelet e Durrësit, numri i të huajve të tjerë është më i vogël se i atyre shqiptarëve që zgjedhin të udhëtojnë jashtë vendit”, tha Vathi.

LEXONI GJITHASHTU:

• Si po e sfidon Ukraina-Moskën duke festuar Krishtlindjet më 25 dhjetor
• Krishtlindja në familjet shqiptare, ceremonia më e rëndësishme festive për besimtarët kristianë