Cana: Asosacioni është ‘gogoli’ që krijoi Kurti për pushtet, tani të përballet

Asosacioni i Komunave me shumicë serbe është pjesë e planit europian për Kosovën. Shtetet e Bashkuara dhe Bashkimi Europian insistojnë se ai duhet diskutuar, duke shtuar se nuk do ketë kompetenca ekzekutive.

Ish-ambasadori Edon Cana, tha në emisionin Balkan Talks në Euronews Albania se Kurti duhet ta heqë mantelin e politikanit populist për t’u kthyer në shtetar në dobi të Kosovës.

Sipas tij, kurti ka ndërtuar një narrativë ‘gogol’ për asosacionin, që ka frikësuar publikun e tani i duhet të përballet me këtë gjë.

“Ky diskurs ka helmuar publikun në Kosovë, është për të ardhur keq. Kosova e ka kushtetutën e vet, në kohën kur Kurti e ka kundërshtuar të ashtuquajturën Zajednicë, SHBA ka deklaruar se asosacioni do të jetë në përputhje me kushtetutën e Kosovës. Edhe në vetë marrëveshjen që Kosova ka negociuar në Bruksel thuhet se marrëveshja duhet të kalojë testin e Gjykatës Kushtetuese. Kurti ka ndërtuar narrativën, një ‘gogol’ për asosacionin për të frikësuar publikun. Ka kundërshtuar decentralizimin, kur dështoi kjo, vazhdoi me asosacionin. Duhet ta bëjmë se kjo është rruga evropiane, nuk kemi rrugë tjetër”, tha ish-ambasadori.

LEXONI GJITHASHTU:

• Vuçiç: Kurti mbështetet në forcën e vendeve të fuqishme perëndimore
• Albin Kurti: U paralajmërova nga SHBA-të, situata në veri mund të përkeqësohej