Çështja e detit dhe ligji për luftën, Xhaçka diskutime me homologun grek

Ministrja për Evropën dhe Punët e Jashtme, Olta Xhaçka, është pritur sot nga ministri i Jashtëm grek, Nikos Dendias. Vizita e parë e Ministres Xhaçka në Athinë vjen pak kohë pas vizitës së ministrit të Jashtëm Dendias në Tiranë.

Gjatë takimit të dy ministrave u disktua për referimin në Gjykatën Ndërkombëtare të drejtësisë të çështjes së kufizimit të zonave detare si edhe për ligjin e luftës.

Ndërkohë Xhaçka dhe homologu vlerësuan marrëdhëniet shumë të mira midis Shqipërisë dhe Greqisë dhe shkëmbyen ide për përmirësimin dhe intensifikimin e mëtejshëm të bashkëpunimit dypalësh në të ardhmen. Ata diskutuan gjithashtu agresionin e paligjshëm rus kundër Ukrainës dhe ndikimin e tij në rajon.

Ministrja Xhaçka theksoi se marrëdhëniet midis Shqipërisë dhe Greqisë mbështeten nga miqësia mes dy vendeve dhe popujve, partneriteti në NATO-s dhe vizioni i përbashkët për të ardhmen evropiane të rajonit. Ajo nënvizoi gjithashtu faktin se të dyja vendet kanë vendosur një nivel efektiv dhe konstruktiv bashkëpunimi për të gjitha çështjet me interes të përbashkët.

Ministrja Xhaçka shprehu mirënjohjen e saj për mbështetjen e vazhdueshme të Greqisë për integrimin e Shqipërisë në BE dhe shprehu besimin se anëtarësimi i Shqipërisë në BE është i dobishëm për rajonin në tërësi.

LEXONI GJITHASHTU:

• Berisha tregon detaje: Biznesmeni Amant Josifi ndodhet në Dubai
• Policia e Kosovës arreston një serb të dyshuar për krime lufte
• Pse Vuçiç refuzon Ramën? Flet analisti