Çfarë do të ndodhë me mandatin e deputetit Alqi Bllako?

Alqi Bllako nuk ka mbështetjen e socialistëve. Ashtu siç kanë vepruar dhe herë të tjera, rasti më i fundit me Lefter Kokën, PS mban qëndrimin se përgjegjësia është individuale.

Por cilat janë procedurat për arrestimin e një deputeti?

Pasditen e së mërkurës Këshilli i Rregullores dhe Mandateve diskuton për arrestimin e Alqi Bllakos. Deputeti socialist, nuk ka mbështetjen e partisë.

Pas dëgjimit të pretendimeve të deputetit për të cilin kërkohet arrestimi dhe përfaqësuesve të SPAK, Këshilli i Mandateve ka dy javë kohë që t’i dërgojë Kuvendit një raport.

Në të sugjerohet lejimi i arrestimit ose jo të deputetit. Por në fund e vendosin deputetët me votë në seancë plenare. Megjithatë PS nuk ka ndërmend të zgjasë procedurat.

Edhe nëse vendoset arrestimi i deputetit, ai nuk e humb mandatin menjëherë. Kjo ndodh vetëm nëse jep dorëheqjen.

Nëse nuk e bën diçka të tillë, mandatin e humb pas 6-mujash mungesa në Kuvend. Zëvendësuesi i tij është Pandeli Majko.

LEXONI GJITHASHTU:

SPAK kërkon arrestimin e deputetit të PS-së