“Çfarë edukate jep shkolla për nxënësit”, Beqiri kritika për ministren Kushi

Avokati Idajet Beqiri, kritikoi ministren e arsimit Evis Kushi, për deklaratën që bëri kjo e fundit në lidhje me humbjen e jetës së 15-vjeçarit në Gramsh pasi u plagos me thikë si pasojë e një sherri.

Në një intervistë për emisionin “Good Morning Albanians” në Euronews Albania, ai tha se ngjarja vërtetë nuk ndodhi brenda ambienteve të shkollës, por sipas tij problemi qëndron te edukata që marrin fëmijët në shkolla për parandalimin e këtyre ngjarjeve të rënda.

“Ministrja e Arsimit vrapoi duke thënë se ngjarja nuk ndodhi brenda shkollës, por problemi është se çfarë edukate ju jep shkolla këtyre nxënësve, çfarë roli ka arsimi, testet shkolle në mënyrë që mos të ndodhin këto gjëra. Ajo që është më kryesore është se ambienti jonë është i mbushur me një lloj gjuhe urrejtje, me një lloj vrazhdësie e mungese qetësie e komunikimi normal. Klima jonë është e tillë”- tha ai.

LEXONI GJITHASHTU: 

• Sherri me një viktimë në Gramsh, reagon ministrja Kushi
• Viktima u qëllua në zemër, detaje nga sherri në Gramsh: Edhe 1 i plagosur