Çfarë ka mbetur ende për tu bërë? Von der Leyen: Hapat janë pozitive përpara

Presidentja e Komisionit Evropian, Ursula Von der Leyen gjatë konferencës së përbashkët me kryeministrin Edi Rama është pyetur lidhur me hapat që i kanë mbetur Shqipërisë për tu anëtarësuar në BE. Von der Leyen në përgjigjen e saj ndaj pyetjes së gazetares së Euronews Albania, Eksiola Shehu u shpreh se Shqipëri ka bërë hapa pozitive.

Ajo theksoi se është e impresionuar nga dëshira e Ramës dhe popullit shqiptar për u anëtarësuar në BE. Sipas saj procesi është normal dhe po punohet akoma për reformat të cilat duhet të realizohen për tu bërë pjesë e BE-së.

“Ne të gjithë themi me të drejtë se kushti i zgjerimit bazohet në merita. Këto merita që Shqipëria që meriton janë të dukshme tani. Është një proces normal i hapjes së grup kapitujve dhe të punojmë për reformat në mënyrë që të bëheni pjese e BE-së.

Për mua është impresionuese, të shikoj shpejtësinë që kemi kaluar këto 2-3 vite. Jam e impresionuar me ju zoti kryeministër dhe popullin shqiptar që thonë po duam të bëhemi pjesë e BE-së, dhe thoni e dimë qe këto reforma janë për ne që të forcojmë demokracinë.  Hapat janë pozitive përpara dhe jam e impresionuar nga fryma që gjej në Shqipëri dhe që deri 2027 të bëheni pjesë e BE-së,” u përgjigj Von der Leyen.

LEXO GJITHASHTU:

• VIDEO/ Rama pret presidenten e KE-së, nis takimi me Von der Leyen
• Rama në konferencë me Von der Leyen: Të mbështesim Ukrainën pa rezervë