Çfarë ka ndodhur 24 orët e fundit në Ukrainë?

Bashkimi Evropian ra dakord të ndalojë 90% të importeve të naftës ruse deri në fund të vitit, njoftuan të hënën drejtuesit e Këshillit Evropian.

Nafta ruse e dërguar me cisterna do të ndalohet, ndërsa do të bëhet një përjashtim për segmentin jugor të tubacionit Druzhba, i cili përbën 10% të importeve të naftës ruse, tha të hënën presidentja e Komisionit Evropian Ursula von der Leyen pas një samiti në Brukseli.

Von der Leyen tha gjithashtu se liderët e BE-së ranë dakord të heqin Sberbank, bankën më të madhe të Rusisë, nga rrjeti SËIFT, si dhe të vendosin një ndalim të sigurimit të anijeve ruse nga kompanitë e BE-së dhe një ndalim për t’u ofruar kompanive ruse një sërë shërbimet.

Ajo shtoi se do të kishte një pezullim të transmetimit të tre mediave të tjera shtetërore ruse në BE, por nuk specifikoi se cilët transmetues do të pezulloheshin.

Luftimet e ashpra vazhdojnë në rajonin Donbas të Ukrainës lindore me granatime të vazhdueshme të raportuara në disa zona. Kjo vjen pasi ministri i jashtëm i Rusisë tha se shtyrja e ushtrisë ukrainase nga Donetsk dhe Luhansk është një prioritet për Moskën.

Ushtria ukrainase ka raportuar përparime gjatë kundërofensive të saj në jug dhe përpjekjet e vazhdueshme për të penguar përparimet ruse në Donbas.

LEXONI GJITHASHTU:

• Ambasadori rus: Rusia nuk do përdorë armë bërthamore kundër Ukrainës