“Çfarë të bën fëmija s’ta bën as Perëndia”, Kikia ironizon Balliun

Në një debat për rolin e Lulzim Bashës në shpalljen non grata të Sali Berishës nga SHBA-ja dhe Britania e Madhe, gazetari Mentor Kikia dhe ish-deputeti i PD-së Klevis Balliu ndanë pikëpamjet e tyre.

Sipas Balliut, ka qenë Lulzim Basha ai që iu ka bërë me dije britanikëve për lidhjet e Berishës me bandat, ndërsa në intervistën në “Now me Erla Mëhillin” në Euronews Albania, Kikia e ka ironizuar duke përdorur shprehjen “çfarë të bën fëmija, s’ta bën Perëndia”.

“Atë që të bën fëmija, s’ta bën as Perëndia thotë populli,” – u shpreh Kikia, komenti i të cilit shkaktoi të qeshura në studio, ndërsa Balliu ruajti seriozitetin duke thënë se Basha është treguar njeri pa karakter, jo vetëm përballë Berishës, por përballë demokratëve.

LEXONI GJITHASHTU:

• Balliu: U bën lobime të shëmtuara, nuk u godit vetëm Berisha, por dhe opozita
• Pse mungoi Kurti në Tiranë? Berisha: Papërgjegjësi politike, çfarë e frikësoi?