Çifti i besimtarëve rrëfen eksperiencën unike, së bashku për Haxh në Mekë

Teologu Neki Kaloshi dhe pedagogia Malvina Tafçiu treguar për “Good morning Albanians” në Euronews Albania eksperiencën unike të udhëtimit së bashku për Haxh në Mekë.

Çifti i bashkëshortëve myslimanë thanë se udhëtimin e kanë realizuar në gusht të vitit të kaluar.

“Normal që rituali i Haxhit me bashkëshorten na lidh shpirtërisht me udhëtarin e parë drejt atij vendi dhe udhëtari i parë që e ka bërë udhëtimin drejt atij vendi ka qenë babai i të gjithë profetëve, Ibrahimi ose Ahbrahami,” – tregoi Kaloshi.

Ai tha se ky udhëtim i ka bërë të kuptojnë më shumë peshën që ka lutja, ndërsa vlera emocionale e tij është e pakrahasueshme.

“Çdo besimtar e ka ëndërr dhe dëshirë, por jo të gjithë e kanë mundësinë ekonomike për të ç’është e vërteta sidomos me këto tarifa të kohëve të fundit dhe mbetet një ëndërr në sirtar. Unë si çdo besimtar e kam pasur ëndërr, një lutje që ja kam dërguar Zotit në çdo namaz timin, sidomos në muajin e Ramazanit,” – u shpreh Tafçiu.

LEXONI GJITHASHTU:

• Besimtarët myslimanë nisin sot muajin e Ramazanit
• Nesër nis muaji i Ramazanit, Kryetari i KMSH uron besimtarët: Agjërim të lehtë