Cilët janë deputetët në PD që janë tërhequr nga kandidmi në 11 maj

Ashtu siç pritej, procesi i primareve në Partinë Demokratike nuk po kalon pa pasoja në radhët e demokratëve. Përveç debateve dhe kundërshtive të ndryshme që janë prodhuar në disa qarqe, në këto ditë pas përfundimit të aplikimeve në primare janë vënë re dy fenomene.

Së pari deputetët që janë tërhequr nga procesi i primareve, dhe në këtë pikë bëhet fjalë për 3 deputetë që nuk do të garojnë në 1 mars.

Përveç Helidon Bushatit, burime bëjnë me dije që edhe Emilja Koliqi, deputete e Shkodrës, nuk do të marrë pjesë në primare. Po ashtu mësohet se edhe deputeti i Durrësit, Ferdinand Xhaferraj, nuk ka dorëzuar dokumentacionin për të marrë pjesë në procesin e 1 marsit.

Përveç dorëheqjeve të deputetëve, në disa qarqe mësohet se edhe interesi i kandidatëve për të marrë pjesë në primare nuk ka qenë shumë i lartë.

Në total, në gjithë vendin, burime nga PD thonë se janë rreth 300 kandidatë që kanë dorëzuar dokumentacionin për të garuar në primare.

Pas një verifikimi paraprak, lista e kandidatëve që do të garojnë në 1 mars do të certifikohet nga kryesia e partisë.

LEXONI GJITHASHTU:

• Berisha: Chris LaCivita e bëri të qartë se partneri i SHBA në Shqipëri është PD
• Mbyllet afati i dorëzimit të kandidaturave për “primaret” në PD, 300 të interesuar