Çipa: Roli i rëndësishëm që do të ketë ambasadori i ri amerikan

Gazetari Aleksandër Çipa tha në një intervistë për Euronews Albania se me ambasadorin e ri do të mbyllet cikli i gjatë i krizës së opozitës së vendit.

Sipas tij opozita do të shfaqet me kapacitete konkurruese për proceset zgjedhore. Gazetari se pret të shohë dhe një imponim përballë shumicës qeverisëse në raport me mekanizmat funksionale të antikorrupsionit dhe ndëshkimit ligjor.

“Unë e shikoj këtë si vazhdimësi për interesimin e administratës amerikane për Shqipërinë dhe sidomos me dy raporte thelbësore brenda saj, raporti me ligjin dhe në mënyrë të veçantë me rritjen e kapaciteteve funksionale të demokracisë sepse demokracia për më shumë se 1 vit e gjysmë është në ngërç në Shqipëri dhe kur ajo mbahet në ngërç kuptohet që derivatet negative të saj janë kapja e shtetit, raportet e disbalancuara mes ligjzbatuesve dhe vendimmarrësve dhe dy shtylla të rëndësishme, llogaridhënia dhe e drejta para ligjit. Këto kanë qenë në deficencë në realitetin shqiptar,” – u shpreh Çipa.

LEXONI GJITHASHTU:

• Eksperti: Ku ndryshon ambasadori i ri me Yuri Kim dhe politika e “non gratave”
• Pas Ramës, ambasadorja Yuri Kim takon Jorida Tabakun