Deputeti i Partisë Demokratike, Kreshnik Çollaku tha në një intervistë për Euronews Albania se janë duke dështuar në kalimin e “testit të pjekurisë”.
“Testi pjekurisë është që me një fjalë të mençur, të mësojmë nga pësimet dhe derisa nuk mësojmë nga pësimet i bie që duhet të pësojmë prapë për të mësuar sërish,” – u shpreh Çollaku.
Ai tha se kjo garë brenda vetë demokratëve do të kushtojë humbjen e Tiranës.
“Ne nuk e njohim statutin e datës 11 dhjetor për arsye që janë deklaruar, për arsye se u bë në mënyrë të njëanshme, për arsye se ne s’kemi asnjë provë, sado masive, nuk kemi asnjë provë se aty realisht votuan të mandatuarit e Partisë Demokratike,” – u shpreh Çollaku.
Sipas tij është e papranueshme të thuhet se është bërë një kongres partie për të ndryshuar statutin e PD-së kur në atë proces marrin pjesë anëtarë të LSI-së në mënyrë masive.
“Kjo, nga ana statutore, është shkelje, është manipulim i procesit,” – tha Çollaku.
LEXONI GJITHASHTU:
- Çollaku: Shqipëria është në regjim, ka arsye për të protestuar
- PD me një kandidat në zgjedhjet vendore, Çollaku: E lehtë dhe e realizueshme
- Çollaku: Rezoluta e Shqipërisë kundër raportit të Dick Marty, në kohën e duhur
