Çopjat do vendosnin 5 kg tritol për të hedhur në erë komisariatin, e zbulon Daci

Prokuroria e Posaçme ka vënë në sitë 10 agjentë të Policisë dhe Byrosë Kombëtare të Hetimit që kanë qenë në terren për ekzekutimin e masave të sigurisë ndaj klanit kriminal ‘Çopja’ si dhe janë marrë në pyetje edhe 3 drejtues Policie që kanë pasur dijeni për operacionin.

Gazetarja Glidona Daci tha në emisionin Now në Euronews Albania se grupi Çopja në Elbasan është shumë i fuqishëm dhe i organizuar.

Ajo tregoi se ky grup kishte planifikuar të ngrinte një dron aq të fuqishëm dhe inteligjent sa të transportonte 5 kg tritol për të hedhur në erë drejtorinë e Elbasanit për të vrarë Erjon Alibejn.

“Ata do ngrinin aq dron të fortë dhe inteligjent sa të transportonte 5 kg tritol për të hedhur në erë drejtorinë e Elbasanit për të vrarë Erjon Alibeajn. U ndërpre dhënia e këtij urdhri, se për policinë nuk është se po pyesnin shumë, por thjesht ideja që ishin edhe 3 çuna të rinj në qeli me Erjon Alibejn.

Imagjino ku arrijnë ata, 5 kg C4 me dron ja hidhnin drejtorisë së Elbasanit që të vrisnin Erjon Alibejn, deri në këtë pikë arrijnë ata”, tha Daci.

LEXONI GJITHASHTU:

• 15 mln euro një lingotë ari, Daci zbulon fuqinë ekonomike të grupit Çopja
• Karamuço zbulon emrin e drejtorit të policisë që është kërcënuar nga bandat