DEA në Tiranë, Manja: Shenjë e besimit të fortë tek institucionet shqiptare 

Ardhjen e Agjencisë Amerikane të luftës kundër drogës në Shqipëri, ministri i Drejtësisë Ulsi Manja e konisderoi shenjë të besimit të fortë tek institucionet shqiptare.

Gjatë një deklarata për media në përfundim të mbledhjes së qeversë, Manja theksoi se ka një bahskëpunim të fortë mes SPAK dhe autoriteteve të DEA-s.

“Unë e konsideroj si shenjë e besimit të fortë të autoriteteve të DEA me institucionet shqiptare, bashkëpunimi është i forcuar, që kur u krijua SPAK por edhe më përpara, bashkëpunimi mes Prokurorisë së Krimeve të Rënda me partnerët tanë amerikanë ka qenë korrekt. Ju ftoj ta merrni informacionin e plotë dhe të shihni bashkëpunimin e SPAK me autoritetet e DEA-s, dua ta theksoj është shenjë e besimit të fortë ndërmjet autoriteteve tona ligjzbatuese dhe atyre të DEA-s”, u shpreh Manja.

Kujtojmë se 2 ditë më parë ambasada amerikane në Tiranë njoftoi se DEA ka hapur një linjë të re sinjalizimi për Shqipërinë.