Debati për Censin në Pustec, ministri i Kulturës në RMV: Problem diplomatik, por…

Ministri i Kulturës në Maqedoninë e Veriut Zoran Ljutkov ka qenë i pranishëm në çeljen e ditëve të kulturës maqedonase në bashkinë e Pustecit.

I pyetur nga gazetarët në lidhje me debatin e Census 2023 dhe shifrat në rritje të shtetasve bullgare në këtë zonë, ministri i Kulturës është shprehur se ky është një problem diplomatik e se gjithçka e ka lënë në dorë shtetit shqiptar.

Pyetje: Minoriteti maqedonas ka dalë ne shifra shumë të ulëta në Cens 2023. A keni një koment për këtë?

Ministri Ljutkov: Unë kujtova se do të më bënit pyetje që ka rreth 19 vite që ndodh, ditët e kulturës të Prespës ndaj jam i lumtur që ndodhem këtu me maqedonasit e Shqipërisë.

Nuk jam i informuar me detaje si është i zhvilluar CENS, por ky është një problem diplomatik dhe ja kam lënë shtetit shqiptar, në fund do japim mendimin tonë. Është e drejtë individuale e çdo qytetari të shprehet ashtu siç ndihet.

Pyetje: Këto ditë të kulturës maqedonase a janë edhe për shtetas bullgarë këtu, sepse ka afro 500 bullgare me pasaporta e 1500 të tjerë kanë aplikuar për këto pasaporta?

Ministri Ljutkov: Ne si ministri e kulturës të Maqedonisë e kemi lajmëruar që këto janë ditët e Maqedonisë në Prespë të Shqipërisë. Kultura është ajo që bashkon njerëzit. Problemi i idenfikimit është problem me vete.

LEXONI GJITHASHTU:

• “Në 2011 i nxorëm shifrat për 5 javë”, Nurja: Të dhënat e censit janë manipuluar
• Basha për Censin: Eksporti më i madh i Edi Ramës janë shqiptarët, duhet ndryshim