Dëborë në Korçë, temperaturat e ulta shkaktojnë dëme në bujqësi

Reshjet e dëborës që prekën qarkun e Korçës këtë fillim jave, shoqëruar edhe nga temperaturat e ulëta deri në -7 gradë celcius kanë shkaktuar dëme të konsiderueshme tek drufrutorët.

Për specialistin e mbrojtjes së bimëve në Drejtorinë rajonale të ekstensionit bujqësor Arben Hysolli, dëmi më i madh është shkaktuar në bërthamoret e hershme, kryesisht të kumbulla, kajsia, pjeshka dhe qershia.

“Parashikohet të shkojë deri në – 8 gradë celsius që do sjellë ndikim patjetër në drufrutoret. Ndikimi i këtyre temperaturave të ulëta, nga kohëzgjatja, nga kultivari dhe faza e zhvillimit fenologjike. Sa më shumë të zgjatë kjo temperaturë, aq më i madh do jetë dëmi në drufrutore. Në këtë kategori hyjnë kulturat bërthamore, kumbulla, kajsia, pjeshka, bajamja të cilat në temperaturat e ulëta në minus 7 parashikohet të kenë dëm serioz”, tha specialisti.

Nga këto reshje dhe temperatura të ulëta sipas Hysollit, nuk kemi dëme në mollë pasi është në fazën e parë të lulëzimit.

“Tek kultura e mollës jemi në fazën e sythave dhe parashikohet se me këto temperature të mos kemi dëme pasi kjo temperaturë nuk i prek. Edhe tek qershia mund të ketë dëmtime rreth 40% ndërsa kumbulla dëmi është më i pritshëm”, shtoi Arben Hysolli.

Se sa është dëmi i shkaktuar në qarkun e Korçës tek drufrutorësh ende nuk është i qartë, por pritet rritja e temeperaturave për të dalë në një konkluzion më të saktë.

LEXONI GJITHASHTU:

• 13 ndeshje radhazi pa humbje, Rama e para në Evropë për ecurinë në kampionatin
• Sa orë në ditë furnizohen me ujë familjet shqiptare