Ujësjellësit në vend po lënë pas vështirësitë në menaxhim. 2 vite pas reformës së bashkimit të tyre në 14 shoqëri të mëdha, kohëzgjatjen e furnizimit me ujë, uji pa të ardhura, kosto e operimit dhe eficienca janë rritur.

Në raportin e Entit Rregullator të Ujit, në vitin 2024, mbulimi i kostove të operimit dhe mirëmbajtjes arriti në 110%, nga 100% që ishte në vitin 2023.

Edhe kohëzgjatja e furnizimit u rrit me një orë në të gjithë vendin, duke arritur në 17.3 orë në ditë.

Edhe uji pa të ardhura për vitin 2024 është përmirësuar rreth 4%, duke arritur normën 61%. Përmirësimi i këtij treguesi ka ardhur nga rritja e vëllimit të ujit të faturuar.

Sipas ERRU-së, pothuajse të gjitha shoqëritë kanë performuar mirë në këtë drejtim.

Ndërkoh, edhe numri i lidhjeve në raport me stafin u regjistrua në 4.51 për 1000 lidhje, nga 4.56 për 1000 lidhje që ishte në vitin 2023.

LEXONI GJITHASHTU:

• Balluku: U firmos me BERZH marrëveshja e financimit për hekurudhën Vorë-Hani i Hotit
• Balluku: Investime të rëndësishme për ujësjellës-kanalizimet në qytetet kryesore