Deklarata e fortë e Putin: Po kërcënohemi nga tanket gjermane

Në një fjalim të mbajtur me rastin e 80-vjetorit të betejës së Stalingradit, Vladimir Putin e ka krahasuar pushtimin e Ukrainës me luftën kundër nazistëve gjermanë.

Duke iu referuar vendimit për të Berlinit për të dërguar tanke të tipit “Leopard” në Ukrainë, Putin tha se historia po përsërit vetveten.

“Është e pabesueshme, por e vërtetë. Po kërcënohemi sërish nga tanket gjermane”, u shpreh Putin.

Gjermania është një nga shumë vendet që po ndihmojnë Ukrainën të mbrojë territorin e saj. Duke folur nga Volgogradi, emri modern i Stalingradit, kreu i Kremlinit la të kuptohet se mund të shkojë përtej përdorimit të armëve tradicionale.

“Ata që shpresojnë të mposhtin Rusinë në fushën e betejës nuk e kuptojnë se një luftë me Rusinë do të jetë shumë ndryshe për ta”, vijoi presidenti rus.

Ai theksoi se Moska nuk do të dërgojë tanket e saj në kufijtë e vendeve që ndihmojnë Ukrainën, por do të përdorë mjete të tjera për t’u përgjigjur.

“Përgjigjja jonë nuk do të kufizohet tek përdorimi i armatimeve të rënda. Të gjithë duhet ta kuptojnë këtë”, tha më tej Putin.

Beteja e Stalingradit shënoi fundin e Luftës së Dytë Botërore, në të cilën Rusia kapi rob rreth 91 mijë trupa gjermane dhe ndryshoi rrjedhën e konfliktit.

LEXONI GJITHASHTU:

• “Po përballemi sërish me Gjermaninë”- Putin ngre tonet në përkujtimin e Stalingradit
• Ish-bashkëpunëtori i Putinit: Lufta është e humbur, ekonomia ruse është në kolaps