“Deklaratat e Kurtit, dhuratë për Vuçiçin”, Kadilli: Po e bën aleat perëndimor

Politikani Fatbardh Kadilli ishte këtë të premte i ftuar në Euonews Albania ku ka komentuar deklaratat e Albin Kurtit, kryeministrit të Kosovës ndaj ndërkombëtarëve.

Kadilli tha se qëndrimet e Kurtit kundër BE dhe SHBA janë një dhuratë për presidentin e Serbisë, Aleksandër Vuçiçit, pasi kështu e rendit atë te aleatët perëndimor.

Kadilli shtoi se nëse vërtet qeveria e Kosovës është demokratike siç ajo pretendon, atëherë nuk do duhet të priste marrëveshjen , por duhet të kënaqte shtetasit e vetë serb.

“Çdo aleancë tjetër është imagjinare, çdo mekanizëm tjetër për të realizuar qëllimet në favor të interes të Kosovës dhe Shqipërisë, është imagjinar. Nuk ekziston asnjë levë tjetër përveç aleancës me Bashkimin Europian dhe me Amerikën. Nëse ti zgjedh t’u kthesh kurrizin këtyre njërin ta quash naiv e tjetrin gënjeshtar, nëse ti thua se ata po flasin me gjuhën e Serbisë, i ke bërë dhuratë Serbisë.

E ke bërë Serbinë aleate të perëndimit dh e ke nxjerrë Kosovën nga boshti natyral. Në kushtet është parashikuar vetorganizimi i serbëve, pse duhet të presësh marrëveshjen ti si një republikë demokratike? Bëje vetë. Bëje ligjin, kënaqi shtetasit e tu serb”,-tha Kadilli.

LEXONI GJITHASHTU:

• Qeveria gati taksën për blogerët dhe “vipat” e Tik Tokut që fitojnë para në internet
• Qeveria e Kosovës ndan 30 milionë euro për subvencionimin e pajisjeve për ngrohje