Dënimi me burg i Belerit, reagon ambasadorja greke: Të lejohet të marrë pjesë në PE

Ambasadorja greke, Konstantina Kamitsi shprehu zhgënjimin pas vendimit të formës së prerë të Apelit të Posaçëm që e dënoi Fredi Belerin me 2 vjet burg për korrupsion në zgjedhje.

Në një prononcim për mediat shqiptare dhe ato greke ajo tha se tashmë që Beleri është zgjedhur eurodeputet duhet t’i jepet mundësia të marrë pjesë në seancën e parë që do të mbahet në korrik.

“Për fat të keq shumë aspekte të kësaj çështjeje ngrenë pikëpyetje për objektivitetin e procesit, është shkelur prezumimi i pafajësisë… Zoti Beleri tashmë zyrtarisht është anëtar i zgjedhur i Parlamentit Europian.

Është pjesë e shtetit të së drejtës që eurodeputetët e zgjedhur të kenë mundësinë të paraqiten personalisht në të gjitha punimet e Parlamentit Europian duke filluar nga seanca plenare e korrikut që vjen”, – tha ambasadorja greke.

LEXONI GJITHASHTU:

• Dënohet me 2 vjet burg Fredi Beleri
• Beleri rekurs në Gjykatë të Lartë kundër vendimit të SPAK për kallëzimin e tij