Dentisti: Për një të sëmurë me HIV AIDS kemi set të posaçëm veglash

Pajisjet që përdoren nga dentistët duhet të jenë të sterilizuara sipas një protokolli shumë specifik, duke qenë se aty pacienti mund të rrezikojë shëndetin duke marrë infeksione apo sëmundje të ndryshme.

Stomatologu Besnik Sadikaj është shprehur se ka pacientë që tregojnë për sëmundjet që kanë dhe ka të tjerë që nuk tregojnë.

I  ftuar në emisionin “Good Morning Albanians” në Euronews Albania, ai tha se në rastet kur pacienti tregon për sëmundjen  që ka shënohet emri dhe i gjithmonë për të përdorin të njëjtin set veglash.

“Në rastet që ne e dimë se një pacient është me HIV/AIDS, paketohet dhe shënohet emri i pacientit dhe gjithmonë që ai vjen ne përdorim vetëm atë set veglash, për të pasur një masë më të shtuar për këto problematika. Ka  pacientë të huaj dhe shqiptarë që nuk tregojnë se janë të infektuar me HIV/AIDS”- tha ai.

LEXONI GJITHASHTU: 

• Te dentisti rrezikohemi nga viruset, bakteret apo sëmundjet e ndryshme
• “Do hetohen zyrtarët e Kadastrave këto 30 vite”, gazetari: Ka çudira…