Deputeti i PD: Dje u bashkuam të gjithë, kështu do vazhdojmë…

Deputeti i partisë Demokratike, Asllan Dogjani komentoi në një intervistë për Euronews Albania protestën e udhëhequr nga disa deputetë demokratë një ditë më parë para parlamentit.

Sipas Dogjanit, PD ishte dje e bashkuar dhe kështu do të vazhdojë në aksionin e vet opozitar.

“Ramës i intereson që deputetët e PS që ka atje t’i ketë si ushtarë, nëse kemi një sistem me lista të hapura Rama s’i vendos dot sipas qejfit kandidat për deputetë. Opozita dje u bashkua, ne kemi pasur disa probleme brenda  PD por dje gjithë grupi u bë një, me një kryetar të partisë dhe do ta shtrijmë aksionin tonë edhe në bazë, tek çdo njëri që e do vendin e vet dhe do të jetojë  në vendin e vet, dhe do bëjmë gjithçka për ta larguar këtë regjim se ne po kthehemi në diktaturë”, tha Dogjani.

LEXONI GJITHASHTU:

• Alimehmeti: PD duhet të zgjidh problemet brenda vetes, shoh sinjale bashkimi
• Ligji për studentët e mjekësisë, PD përshëndet “GJK” që e ndaloi: Duhet analizë