Deputetja britanike, Alicia Kearns, ka kërkuar që Milan Radoiçiçi të ekstradohet në Kosovë. Radoiçiçi dyshohet se qëndron prapa agresionit në veri të Kosovës më 24 shtator, ku mbeti i vrarë rreshteri policor, heroi Afrim Bunjaku.
Kearns, e cila shpesh ka ngritur zërin në çështjen e Kosovës, ka qenë e para që ka ngritur çështjen e futjes së armatimit nga Serbia në Kosovë përmes autoambulancave dhe nëpër manastire.
Interpol has issued a red notice for Milan Radoicic and others behind the Banjska terror attack and murder of Kosovan Police Officer Afrim Bunjaku.
Radoicic has already confessed and must be extradited to Kosovo with his accomplices to face justice.https://t.co/ZzyecsvojB
— Alicia Kearns MP (@aliciakearns) December 8, 2023
“Interpoli ka lëshuar një alarm të kuq për Milan Radoiçiqin dhe të tjerët prapa sulmit terrorist në Banjskë dhe për vrasjen e policit kosovar, Afrim Bunjaku. Radoiçiçi tashmë e ka pranuar veprën dhe duhet të ekstradohet në Kosovë me bashkëpunëtorët e tij për t’u përballur me drejtësinë”, tha Kearns në X.
Ditë më parë u bë e ditur se është lëshuar një “njoftim i kuq” në Interpol për ndalimin, arrestimin dhe ekstradimin e Radoiçiqit në Kosovë.
Ish-nënkryetari i Listës Serbe, Radoiçiç, aktualisht gjendet në Serbi në gjendje të lirë.
LEXONI GJITHASHTU:
- “Radoiçiç i lirë”, Sanduloviç: E pabesueshme që SHBA e BE heshtin përballë Vuçiç
- Eksperti i sigurisë: Të jemi vigjilentë, Radoiçiçi po krijon ushtri brenda Kosovës
