Derbi numër 185 i Italisë, Juventusi sfidon Interin për kreun, zikaltrit favoritë

Juventus-Inter është supersfida e javës së 13-të në kampionatin Italian, aty ku dy skuadrat po kalojnë formën e tyre më të mirë. Zikaltrit prej javës udhëheqin kampionatin, ndërsa në anën tjetër bardhezinjtë renditen në vendin e dytë, ndërsa distance mes tyre është vetëm 2 pikë.

Në 5 përballjet e fundit në kampionat, torinezët i kanë pikët e plota, teksa Interi ka 4 fitore dhe 1 barazim, kjo e fundit ndaj Bolognas.

Juventusi ka luksin të luajë vetëm në Serinë A, duke qenë se është dënuar me 1 sezon për të luajtur në garat evropiane, por problemet i ka me dëmtimet. 5 futbollistë mungojnë në kampin e Allegrit, ndërsa Alex Sandro e Locatelli janë në dyshim. Tek Interi situata është krejt e kundërt, Bastoni e Pavard nuk janë në dispozicion, teksa Cuadrado nuk është rikuperuar plotësisht.

Sa i përket përballjeve direkte në kampionatin italian, përgjatë historisë, shifrat flasin në favor të Juventusit, i cili edhe në sezonin e fundit i fitoi të dyja përballjet.

Në kupa fitoi Interi, i cili në ndeshjen e parë barazoi 1-1 në Torino, ndërsa në të dytën fitoi në shtëpi minimalisht. Skuadrat kanë diferenca dhe në vlerat monetare, ku padyshim më tepër vlen armata zikaltër plot 563 milionë euro kundrejt 421 milionë euro të bardhezinjve, sipas asaj që bën të ditur ‘transfermarkt’. Një detyrë të vështirë ka 42-vjecari Marco Guida, i cili do të ndajë drejtësinë në këtë përballje.

LEXONI GJITHASHTU:

• Derbi i Londrës| Tottenham dhe Chelsea përballen këtë të hënë, Broja në dyshim
• Derbi i Londrës pa fitues/ Liverpool mposht Evertonin, Man City, në krye të tabelës