Detyrat që PE i la Shqipërisë, Jorida Tabaku jep detaje nga Brukseli

Deputetja Jorida Tabaku ka dhënë detaje në lidhje me rezolutën që u miratua ditën e djeshme nga Parlamenti Evropian.

Në një lidhje të drejtpërdrejtë për Euronews Albania, Tabaku theksoi se PE priti shqetësimet e ngritura nga PD, ku në mesin e tyre ishin zgjedhjet, projekti për Portin e Durrësit, amnistia fiskale, korrupsioni dhe liria e medias.

Ajo tha se këto shqetësime patën një mbështetje të fortë nga eurodeputetët, ndërsa shtoi se kanë marrë të gjitha rekomandimet që u janë dhënë nga OSBE-ODIHR.

“Shqetësimet që unë ngrita u miratuan në rezolutë. Pata mbështetjen e partive popullore evropiane që të gjithë shqetësimet e opozitës duhet të reflektohen patjetër dhe ato u  reflektuan. Nuk ka rezolutë më të mirë që reflekton shqetësimet që ka opozita, por që edhe njëkohësisht pasqyron atë se si është Shqipëria sot. Elementi i parë lidhet me zgjedhjet dhe aty ka një paragraf shumë të fortë. Janë marrë të gjithë rekomandimet e OSBE-ODIHR.

Kam insistuar për korrupsionin, për lirinë e medias dhe shqetësimet që lidhen me presionin ndaj medias. Ngrita problemin e porti të Durrësit, amnistinë fiskale dhe njëkohësisht përqëndrimin e pushtetit nga mazhoranca sot.

Më tej, ajo theksoi se detyra e opozitës është që çështjet që janë në Tiranë t’i çojnë në Bruksel.

“PE ra dakord me mua për të përfshirë shqetësimet në rezolutën e përbashkët, pastaj zgjedhjet nuk i realizoj unë. Qëndrimi i tyre për zgjedhjet ishte i fortë; për çështjen e azilkërkuesve ishte shumë i fortë; kishte të paktën 6 amendamente që ishin bërë nga eurodeputetë për çështjen e azilkërkuesve; edhe masat që duhet të marrë qeveria shqiptare për çështjen e luftës ndaj korrupsionit dhe lirinë e medias ishte shumë e fortë”- përfundoi Tabaku.

LEXONI GJITHASHTU: 

• “Do çojmë në Bruksel shqetësimet e shqiptarëve”, Tabaku: Çfarë miratoi PE dje
• 2 mld euro mashtrime, gazetari jep detaje për biznesmenin Josifi që është në kërkim