Dhëndri vishet si Krishti në festën e beqarisë, teologu: Është tallje, blasfemi

Teologu Miron Çako tha se dhëndri i cili u vesh si Krishti për festën e beqarisë ka kryer blasfemi. I ftuar në “Good Morning Albanians” ai tha se ligji kundër blasfemisë në Itali ka funksionuar, personi në fjalë është gjobitur dhe ky është një vendim i drejtë, pasi siç u shpreh ai janë disa gjëra të shenjta që nuk lejohet t’i fyesh.

“Janë disa gjëra të shenjta të cilat shumë njerëz i besojnë dhe jo vetëm i besojnë, por kanë lidhur jetën me ato koncepte dhe nuk lejohet të fyesh jo thjesht personin e Krishtit por të gjithë ata që i besojnë atij si Zot dhe shpëtimtar.

Të marrësh këtë figurë që është figurë në të gjithë botën dhe në të gjitha fetë, figura e tij nuk mund të cenohet. Figura e tij si njeri nuk ka asnjë njollë, askush nuk mund të thotë se ai ka bërë diçka gabim. Ai ka marrë figurën e Krishtit për ta denigruar atë figurë e për të denigruar misionin e Krishtit në kryq, vuajtjen e tij, ai kërkon ta bëjë diçka qesharake. Ai mori kryqin e Krishtit e shkoi në pub”,-tha teologu.

LEXONI GJITHASHTU:

• Fotoja e Jezu Krishtit si femër, teologu: Është blasfemi
• Arrestohet dhëndri në Itali, u vesh si Krishti për festën e beqarisë