Dhunimi i 3-vjeçares në kopshtin privat, pezullohen dhe nisin hetimet për 3 policë

Tre punonjës policie janë pezulluar nga detyra, në lidhje me ngjarjen e publikuar një dit më parë ku një edukatore ka dhunuar një 3-vjeçare, te cilës sipas prindërve i ka thyer këmbët.

Policia bën me dije se janë pezulluar dhe kanë nisur hetimet për:

Komisar Rustem Dervishi, me detyrë Zv/Shef i Komisariatit të Policisë nr.1 Tiranë;

Nënkomisar Ylli Çako, me detyrë Shef i Seksionit për Hetimin e Krimeve;

Nënkomisar Ergys Brahimaj, me detyrë Specialist në Seksionin për Hetimin e
Krimeve.

Njëkohësisht ka nisur procedimi në gjendje të lirë, pas konsultimit me prokurorin, për shtetasen M. D., me detyrë kujdestare në këtë kopsht, si e dyshuar për kryerjen e veprës

Policia e Shtetit fton mediat dhe qytetarët që të denoncojnë rastet e abuzimit të punonjësve të Policisë me detyrën, duke iu garantuar reagim të ashpër ndaj tyre, sepse për Policinë e Shtetit dhe Ministrinë e Brendshme është shumë i rëndësishëm procesi i vetëpastrimit nga radhët e Policisë, i punonjësve që abuzojnë me detyrën dhe me ligjin.

LEXONI GJITHASHTU: 

• Chelsea ‘poker’ Tottenhamit/ 5 gola e 2 kartona të kuq, Jackson shënon një tripletë
• Ardhja e afrikanëve në Shëngjin, flasin banorët, ndahen në pro dhe kundër