Dhunohet efektivi i policisë në Tiranë, transportohen me urgjencë në spital

Një efektiv i policisë në Tiranë është dhunuar nga dy persona në orët e para të mëngjesit të së shtunës.

Ngjarja ka ndodhur në rrugën “Besim Alla”, në kryeqytet ku pas një konflikti të çastit, shtetasit B. B., dhe B. B., kanë dhunuar efektivin, i cili ishte jashtë orarit zyrtar të punës.

Gjithashtu është goditur dhe perrsoni që ndodhej në makinë me punonjësin e policisë.

Dy personat e dëmtuar janë transportuar me urgjencë në spital, ku po marrin kujdesin e nevojshëm mjekësor jashtë rrezikut për jetën.

Gjatë konfliktit, policit i ka renë arma e shërbimit në tokë, e cila është gjetur më pas në vendngjarje.

Grupi hetimor dhe policia po punon për sqarimin e rrethanave të konfliktit, dhe identifikimin e kapjen e personave të tjerë të përshfirë.

“Më datë 02.09.2023 rreth orëve të para të mëngjesit, në rrugën “Besim Alla”, gjatë një konflikti për rrethana ende të paqarta, shtetasit B. B., dhe B. B., në bashkëpunim me disa shtetas të tjerë, dyshohet se kanë goditur shtetasit E. F., (punonjës policie), B. F., dhe automjetin e tyre”, njofton policia.

LEXONI GJITHASHTU:

• E trishtë| Ishte duke punuar tokën, bie në kontakt me rrymën dhe vdes 31-vjeçari
• Tërmeti godet juglindjen e vendit, sa ishte magniuda