Diana Bahçja u denoncua për braktisje të fëmijës nga ish-vjehrri dhe ish-vjehrra

Anton Kosteri, avokati i 25-vjeçares Diana Bahçja e cila u arrestua vetëm disa ditë pasi lindi fëmijën tha në një intervistë për Euronews Albania se ajo ishte denoncuar për braktisje të fëmijës së parë nga ish-vjehrrit.

Ai tregoi se pas nisjes së procedurave nga Gjykata e Tiranës, të gjitha njoftimet janë dërguar në shtëpinë e ish-burrit, ndaj 25-vjeçarja nuk ka pasur asnjë dijeni për gjobën ndaj saj që më tej u konvertua në burg.

“Diana ka qenë e martuar në një fshat të Matit, me të cilin ka një vajzë. Bashkëshorti ishte në emigrim, kur fëmija ishte 8 muajsh, si pasojë e dhunës, është larguar nga banesa dhe më pas vjehrri dhe vjehrra e kanë denoncuar për braktisje të fëmijës. Duke qenë se viktima ishte një i mitur, çështja i ka kaluar Gjykatës së Tiranës që kishte seksionin për të mitur. Gjykata e Tiranës ka pezulluar për 1 vit gjykimin dhe më pas e ka rifilluar. Asnjë njoftim nuk i ka shkuar në shtëpi Dianës, pasi njoftimet janë çuar në shtëpinë  e ish-bashkëshorti, përfshi gjobën. Nuk është informuar asnjëherë për dënimin”, tha avokati.

LEXONI GJITHASHTU:

• Bashkëshorti i lehonës së dënuar: Ia çova foshnjën në burg, kur ia mora nga duart…
• Nëna e burgosur telefonon live në Euronews: Nuk isha në dijeni për gjobën