“Dibra pa mësues matematike, 23 vende bosh”, ish-mësuesi: Do i kushtojë shoqërisë

Premtim Kryemadhi, ish-mësues matematike, ishte i ftuar këtë të hënë në “Good Morning Albanians”  ku tha se në Dibër nuk ka më mësues matematike.

Ai tha se janë 23 vende bosh për këtë lëndë në Dibër, por mungesa e mësuesve është shumë e theksuar ndërsa shtoi se mësues të lëndëve të tjera detyrohen të mbulojnë edhe  lëndën e matematikës.

“Kjo është një temë shumë shqetësuese. Në Dibër mungojnë 23 mësues matematike, kjo është katastrofë. Matematika kjo lëndë kaq e rëndësishme jepet nga mësues jashtë profilit. Kjo do i kushtojë shumë kësaj shoqërie në të ardhmen, por i kushton edhe sot.

Kjo po i kushton buxhetit të çdo familje dibrane. Mungesa e këtyre mësuesve specialist në gjysmën e shkollave i detyron prindërit të dërgojnë fëmijët nëpër kurse”,-tha ish-mësuesi Kryemadhi.

LEXONI GJITHASHTU:

• “E kam shtëpinë pa letra”, Dhuli: Shtëpia e gjyshit është ndërtuar në 1925 dhe…
• A dashurojmë me zemër apo me tru? Flet doktor Mentor Petrela