“E kam shtëpinë pa letra”, Dhuli: Shtëpia e gjyshit është ndërtuar në 1925 dhe…

Juristi Skerdjan Dhuli komentoi në emisionin Review në Euronews Albania se për shtëpinë e ndërtuar nga gjyshërit e tij në Himarë nuk ka mundur të marrë ende një certifikatë pronësie.

Sipas tij, ajo që ka ndodhur me pronat në jug është një turp që vazhdon prej vitesh me qëllim favorizimin e oligarkëve të kryeministrit.

“Shtëpinë time e kam pa letra, sigurisht që kam aplikuar. Duhet që zyra kadastrale e Sarandës të vijë të bëjë procedurat dhe nuk ka ardhur. Me këtë proces që kanë bërë para dy ditësh, bënë shumë mirë që dhanë certifikata se është një faqe e zezë që shtëpia e gjyshit tim që është ndërtuar që në 1925 dhe është akoma pa letra, ndërsa e gjyshit tjetër, që e ka ndërtuar stërgjyshja dhe letrat i kanë marrë pardje, është ndërtuar në 1910”, tha Dhuli.

LEXONI GJITHASHTU:

• Rama në Himarë: Asnjë metër katror nuk u është marrë pronarëve nga shteti
• Dhuli: Të më gjejnë një deputet apo ministër të PD me tokë në Jug