Dinamo bën rezistencë, por bie, Jagiellonia shkon në fazën e grupeve

Dinamo City ka mbyllur aventurën në UEFA Conference League, pas barazimit 1-1 me Jagiellonian në ndeshjen e kthimit të fazës play-off, të zhvilluar mbrëmjen e së enjtes në stadiumin “Air Albania”.

Rezultati i përgjithshëm i dy takimeve ishte 4-1 në favor të skuadrës polake, që fitoi bindshëm sfidën e parë me shifrat 3-0.

Në përballjen e dytë, Dinamo kaloi në avantazh në minutën e 68-të me një gol të Dejvi Bregut, por polakët reaguan shpejt, duke barazuar në të 79-ën me Rallis.

Me këtë rezultat, Jagiellonia siguron kalimin në fazën e grupeve të Conference League.

Pavarësisht eliminimit, Dinamo City shënoi një rrugëtim pozitiv nën drejtimin e trajnerit Ilir Daja, duke kaluar dy ture ndaj Atletic Escaldes dhe Hajduk Split, për të mbërritur deri në prag të grupeve të kompeticionit evropian.

Ndërkohë, Shkëndija dhe Drita janë dy skuadrat e vetme shqiptare që do të përfaqësojnë rajonin në fazën e grupeve të UEFA Conference League.

LEXONI GJITHASHTU:

• LISTA/ Këta janë të përzgjedhurit e Silvinjos për ndeshjet e Kombëtares në shtator