Disa qytete të Shqipërisë në errësirë totale, shkëputet energjia elektrike

Disa qytete të Shqipërisë kanë mbetur në errësirë për shkak të shkëputjes së energjisë elektrike. Zonat të përfshira nga errësira totale janë Berati, Vlora, Fieri, Durrësi, Lushnja. Gjithashtu Kavaja, Shkozeti, Rrogozhina janë qytetet pa energji elektrike për momentin.

Nga informacioni paraprak i OST (Operatori i Sistemit Të Transmetimit), është stakuar një linjë 220kV, pra ka pasur një defekt në një linjë tensioni të lartë.

Gjithashtu dhe spitali rajonal i Vlorës ka mbetur pa energji. Nga informacionet e marra nga drejtoria e spitalit, kanë treguar se po punohet me gjenerator në repartet ku ka nevojë, kurse koridoret dhe dhomat janë pa energji.

Burime bëjnë me dije se edhe pse disa herë është tentuar rikthimi i energjisë elektrike, përsëri nuk mbajnë gjatë dhe aktualisht këto qytete janë pa drita.

LEXONI GJITHASHTU:

• Fluks në portin e Vlorës, 2000 pasagjerë shqiptarë e të huaj largohen nga Shqipëria
• VIDEO | Ndërpritet energjia elektrike në Kuvend, deputetët në terr