“Hamë bukë thatë!”- Penionistët e Korçës nuk përballojnë dot shpenzimet

Një tetor është Dita Ndërkombëtare e Të Moshuarve. Për pensionistët e Korçës, kjo ditë më mirë mund të quhet “Dita e Të Mohuarve”, pasi ata trajtohen pa dinjitet dhe pensionet e tyre, së bashku me rritjen e tyre, janë qesharake.

“Për mua, është pak. Kam punuar shumë vite dhe marr pak. As çerekun e shpenzimeve nuk e mbuloj, as ilaçet e mia, as ilaçet e gruas. Rrojmë si të rrojmë,” – tha një pensionist.

“Pensioni ynë është shumë i ulët. Parlamentarët duhet t’i djegin karriget për ne pensionistët, ishte një tjetër gjë kur e bënin për rrogat e tyre, 4.1%,” – tha një tjetër i moshuar.

“Kur ke punuar një jetë dhe në vitet e fundit nuk arrin dot që kontributet të të vlejnë për të ushqyer veten, do të hash bukë thatë,” – tregon një tjetër pensionist.

“Çfarë të marr unë? Ilaçet, ujin, dritat… Më jep ti, ma bëj 200 lekë pensionin ta ha me gjellë. Dhe e ha thatë,” – shprehet një pensionist.

Në qarkun e Korçës jetojnë afro 48 mijë pensionistë, të cilët nuk marrin të ardhura mjaftueshëm për të përballuar jetën.

Ata kërkojnë që të ndërtohen edhe qendra ditore, pasi lokalet ku mund të qëndrojnë janë shpenzime ekstra për ta.

LEXONI GJITHASHTU:

• Pleqëria në azil, përjetimet në shtëpinë e të moshuarve e mungesa e fëmijëve
• Pensionimi i një legjende, Iniesta tërhiqet nga futbolli në moshën 40-vjeçare