Arlind Bushati, djali i Xhemal Bushatit, ish-kandidati i Lulzim Bashës për Bashkinë e Shkodrës, është kërcënuar më armë zjarri mbrëmjen e djeshme në Shkodër.
32-vjeçari ka denoncuar në polici se persona të paidentifikuar që qarkullonin me motor dyshohet se i kanë drejtuar armën 32-vjeçarit afër një lokali në pedonalen e Shkodrës, ku ka pasur edhe shumë qytetarë të tjerë në lokal.
Policia bën me dije se ka nisur hetimet dhe po bën verifikimet e kamerave të sigurisë për të hedhur dritë mbi ngjarjen.
“Më datë 11.10.2024, në orën 09:30, shtetasi A. B., 32 vjeç, ka kallëzuar se mbrëmjen e djeshme, rreth orës 22:30, persona të paidentifikuar që qarkullonin me një motomjet, i kanë drejtuar një send, në dukje armë zjarri, afër një lokali në pedonalen e Shkodrës”, thuhet në njoftimin e policisë.
LEXONI GJITHASHTU:
- “Më drejtuan pistoletën” – Kërcënohet i riu në pedonalen e Shkodrës: Ishin me motor
- Grabitet 18-vjeçari në Shkodër, 2 persona i marrin me dhunë portofolin dhe celularin
