Artisti Mihallaq Andrea foli në një lidhje për emisionin “People” të Flori Gjinit në Euronews Albania ku tha se pas bashkëpunimit të suksesshëm me Flori Mumajesin për këngën “Ta dish ti c’pësoi kjo zemër” ishte optimist për një duet të ri me Florin.

Sipas Mihallaq Andreas edhe kënga e re që shpreson të dalë, do të bëhet një hit i madh dhe interpretoi live eksluzivisht për “People” një pjesë të saj.

Kënga e re titullohet “Më mirë mos të kisha njohur” dhe artisti u shpreh optimist se ky projekt do të realizohet së bashku me këngëtarin Flori Mumajesi.

“Besoj se do të kem një bashkëpunim të ri me Flori Mumajesin. Shpresoj dhe uroj që këtë këngë të re ta bëj më Florin. Po të doni një pjesë të këngës mund ta interpretoj live. Me Florin kam folur para disa kohësh dhe besoj se kënga do të realizohet pasi jam i bindur se do të bëhet hit shumë shpejt.

LEXONI GJITHASHTU:

• “Ta lëmë gjuhën e urrejtjes” – Reagimi i Elvana Gjatës, u rendit e dyta në Festival
• “Çelsi i sekretit, kujdesi me shërbetin”, zonja Kadife bën live bakllavanë