Ridon Kola, një shqiptar me banim në SHBA, është arrestuar nga policia amerikane pasi akuzohet se ka kërcënuar me jetë policët dhe kryebashkiakun e Yonkers, në paradën e mbajtur për festën e Shën Patrikut.
Një hetim i shumë agjencive amerikane zbuloi kërcënime shqetësuese në mediat sociale nga ana e ekstremistit radikal islamik.
FBI thotë se ai i dërgoi një mesazh të drejtpërdrejtë policisë së Yonkers këtë muaj, duke shkruar, “Unë do të kryqëzoj policët dhe shefat tuaj përgjatë rrugës McLean. Do të jetë një skenë tmerri… Allahu Ekberr.”
32-vjeçari jeton pranë rrugës së paradës dhe është marrë në pyetje nga forcat e rendit edhe në të kaluarën.
Këtë herë, anëtarët e Task Forcës së Përbashkët të Terrorizmit dhe FBI-së mbajtën nën përgjim shqiptarin dhe më pas e arrestuan.
Mediat amerikane shkruajnë se njerëzit që jetojnë në këtë zonë ndihen tashmë të lehtësuar.
“Është e frikshme, por është mirë të dish se ai është kapur. Gjithmonë është dikush që përpiqet të bëjë diçka,” tha banorja e Yonkers, Maria Oriol.
Ndërkohë që një reagim ka patur dhe nga vetë kryebashkiaku i Yonkers.
“Kjo është zakonisht ajo që terroristët duan të bëjnë. Ata duan të terrorizojnë mendjen tuaj, të terrorizojnë mendimet tuaja dhe t’ju bëjnë të frikësoheni,” tha kryebashkiaku Mike Spano.
LEXONI GJITHASHTU
- “Në Shqipëri më refuzuan”- Bejko: Tani jam pedagoge në Francë, fitoj 120 euro në orë
- A do sot ketë marrëveshje Kosovë-Serbi? Gazetari i BBC-së “vë bast” 10 euro
- Berisha nuk regjistrohet në koalicionin me Metën
