“Do mbushemi me kampe”, aktivisti: Në Shqipëri do vijnë mbi 40 mijë emigrantë

Aktivisti Aulon Kalaja tha në një intervistë për Euronews Albania këtë të hënë se nuk do jenë 3000 emigrantë ata që do të vijnë në Shqipëri, do të vinë shumë më shumë.

Ai parashikoi se deri për vitin e ri në Shqipëri do të jenë 40 mijë emigrantë afrikanë të cilëve mund tu pranohetose jo kërkesa për azil.

“Këtu jemi vetë-ofruar. Çfarë përfitojmë ne nga Italia, kryeministri Rama tha se ne i jemi borxhli Italisë?  Unë jam dakord, me këtë ne i jemi borxhli, por ne jemi akoma emigrantë, prandaj s’e nxjerrin Censin këta.

Ne nuk po i lajmë borxhin Italisë në këtë rast. Këta emigrantë vijnë nga Afrika, ky është borxhi që do i lajmë Italisë? Unë mendoj se ka mënyra të tjera për t’i kthyer borxhin. Këtu nuk bëhet fjalë për 200 emigrantë, por për 3 mijë emigrantë.

Pse e zgjidhën hallin e Italisë? Do jenë shumë më shumë, kanë për të qenë mbi 40 mijë brenda vitit në Shqipëri. Këta do vijnë pas dy muajsh. Rreth 40 mijë njerëz do jenë në Shqipëri, të cilëve do u merret parasysh kërkesa për azil ose jo”,-tha Aulon Kalaja.